சென்னை பாய்ஸ் கண்டுபிடித்த உலகின் லேசான  சாட்டிலைட்

சென்னை பாய்ஸ் கண்டுபிடித்த உலகின் லேசான சாட்டிலைட்

June 26, 2018 0 By admin

சென்னையைச் சேர்ந்த இளைஞர்கள் உலகின் மிக லேசான சாட்டிலைட் ஒன்றை வடிவமைத்து சாதனை படைத்துள்ளனர்.

 

சென்னையில் உள்ள இந்துஸ்தான் அறிவியல் மற்றும் தொழில்நுட்ப கல்வி நிறுவனத்தில் படிக்கும் 4 மாணவர்கள் கடந்த ஓராண்டாக முயற்சித்து உலகின் மிகவும் லேசானதும் மலிவானதுமான சாட்டிலைட்டை உருவாக்கியுள்ளனர்





ஹரிகிருஷ்ணன், அமர்நாத், கிரிபிரசாத், சூதி ஆகிய நான்கு மாணவர்களும் வடிவமைத்த இந்த சாட்டிலைட்டை அவர்கள் ஜெய் ஹிந்த் 1-S (Jai Hind 1-S) என்று அழைக்கின்றனர்.

முதலில் இவர்கள் உருவாக்கிய சாட்டிலைட் 64 கிராம் எடையும் இருந்திருக்கிறது. மேலும் சில மாதங்கள் உழைத்து அதன் எடையை 33.39 கிராம் ஆக குறைத்துவிட்டனர். இதற்காக அவர்கள் பயன்படுத்திய பெரும்பாலான பொருட்களும் சாதாரணமாக சந்தையில் கிடைக்கக்கூடியவைதான்.

 

இவர்களுடைய இந்த சாட்டிலைட் அடுத்த மாதம் நாசாவுக்கு அனுப்பப்பட உள்ளது. அங்கிருந்து தனது விண்வெளிப் பயணத்தைத் தொடங்கும் இந்த சாட்டிலைட் 15 முதல் 20 மணி நேரம் விண்ணில் வலம் வரும்.

“பார்ப்பதற்கு சுகர் கீயூப் போல சற்று பெரிதாக இருக்கும். ஆனால், இது ஒரு சாட்டிலைட்” என்றும் இதன் பயணத்தை எதிர்பார்த்துக் காத்திருப்பதாகவும் இந்த இளைஞர்கள் கூறுகின்றனர்.

-samayam